فيديو : وش يبون الأرانب ذولي؟

بسم الله الرحمن الرحيم
السلام عليكم ورحمة الله وبركاته
صبحكم الله بالخير يالربع

تخيل نفسك ميت والناس جايين يعزون أهلك بعدين يجي واحد ويسأل أبوك
وشلون مات فلان الله يرحمه ؟
يرد عليه أبوك ويقول : كانوا كاشتين عاد وهم نايمين بالليل وسط الخيمة مادروا الا يوم دخل عليهم
هاك الأرنب المتوحش مير يهجون العيال الا فلان ما امداه يهج مير يفترسه الأرنب
بالله وش بيصير وجهك وأنت ميت
صح بتنحرج ؟
والله مالها داعي
الناس تفترسهم أسود ونمور وأنت يالشين مفترسك أرنب حتى لو الي مفترسك (بِس) يمكن نمشيها
على الأقل البس من آكلات اللحوم بس يفترسك أرنب والله من جد مالها داعي

الي جاب السالفة وخلاني افكر بهالموضوع إن الارانب طولوها الصراحة ومصخوها من جد كل يوم نشوف أرنب مسوين له مصيبه
وأنا من هذا المنبر أوجه نداء عاجل للحكومة للتدخل لحل هذه الظاهرة الجديدة قبل تنتشر كما أدعو الأمين
العام للأمم المتحدة ( بان كي مون ) لمناقشة هذه الظاهرة على طاولة الأمم المتحدة كما أدعو الاستاذ ورجل
الأعمال الشين صغير بس خطير للتخلص من الأرانب الي عنده بالحوش قبل مايقلبون عليه ويسوون فيه زي ماسوى ذاك
الأرنب المارج بذاك البس المسكين << ما اقدر احط المقطع بعدين يحجبون المنتدى<< ايقاله ماعلمكم وش
المقطع
المهم مالكم بالطويلة ذي مجموعة مقاطع توضح خطر الأرانب ومثل ماقال الشاعر:
من اليوم ورايح إذا رأيت نيوب الأرنب طالعتن ... فلاتظن أن الأرنب يضحتسو

المقطع الأول

أرنب يهاجم طفل صغير ليفترسة وقدرة الله تنقذ الطفل من براثن الأرنب المتوحش << فشلنا البزر والله ياهو اشهب من جد
للتحميل : [URL="http://movie.abunawaf.com/2007/04/1996bbcc2f.zip"]أرعص بذا [/URL]
المقطع الثاني

ذا أرنب منتهي يتفلت على داب << لا أحد يجيني ويقول الداب لعبي
للتحميل : [URL="http://movie.abunawaf.com/2007/04/28d1e672b7.zip"]أرعص بذا[/URL]
المقطع الثالث

أرنب يهاجم (بس) على حين غفلة من الزمن << أقول لايكثر حست الفصحى
للتحميل : [URL="http://movie.abunawaf.com/2007/04/1409d4301a.zip"]أرعص بذا[/URL]
هالحين بينقز واحدن منكم ويقول :حرام عليك الارانب حبيبين ،همن ابنقز انا واقول :بلاك نايمن على إذانك يالسبيكة ، همن يبي هو و يقول : السبيكة جابته أمك ، همن ابنقز أنا وابنشب الشاحن بجبهته ، همن بتنقزبنت ابوها) وتبلغ علي محمد ، همن بينقز محمد وينشب (الباند) بجبهتي ، همن ماعاد تشوفون خشتي
الزبدة ياأخوان طلعوا الأرانب من بيوتكم ترى الوضع جداً خطير ، حتى لو إن الأرانب مثل الأسود ياكلونك وبس كان مايخالف ، بس المشكلة إن الأرانب سرابيت وعليهم علوم تروع ، ، أنا ماقلت لكم سالفة ولد عمي (تركي) ؟
ومن قال سالم << والله النشبة

هذا طول الله عماركم ولد عمي تركي شرى له غنم وحطهن بحوش وبجنب حوشه حوش مليان أرانب ، عاد هو كل أسبوع يلقى خروف مذبوح بطريقة وحشية ، المهم تركي شك بواحد عنده حوش بأول الشارع وهالواحد عنده (ديناصور) رابطه بحبل ومخليه عند الباب جاء تركي وركب كاميرا مراقبة بالحوش وفي يوم من الايام شغل الشريط توقعوا من طلع المجرم ؟
حمار جيرانهم!!
طلع مسوي أسد هالحمار مربي شعر وصابغن نفسه برتقالي وإذا جاء بالليل تلطم همن طب على حوش تركي وعمل عملته ، عاد هالحمارا أصلا شبهه قد انمسك مزور بطاقة وحيد القرن

^
^
صح مالها دخل بالموضوع ؟

خلاص انتهينا
دمتم بأحلى ابتسامة
sos4us

موضوع مميز

مشكور عالمرور

العفو